ᱪᱚᱣᱪᱟᱨ ᱡᱚᱯᱷᱨᱤ
ᱡᱤᱭᱚᱯᱷᱨᱮ ᱪᱚᱥᱟᱨ ᱤᱝᱞᱤᱥ ᱛᱮ Geoffrey Chaucer (᱑᱓᱔᱓ – ᱒᱔ ᱚᱠᱴᱚᱵᱚᱨ ᱑᱔᱐᱐) ᱫᱚ ᱤᱝᱨᱮᱡᱤ ᱥᱟᱶᱦᱮᱫ ᱨᱮᱱ ᱵᱟᱵᱟ ᱥᱮ ᱯᱷᱟᱫᱟᱨ ᱠᱚ ᱢᱮᱛᱟᱭᱟ ᱾ ᱰᱷᱤᱨ ᱠᱟᱭᱛᱮ ᱫᱚᱭ ᱩᱯᱲᱩᱢ ᱢᱮᱱᱟᱜ ᱛᱟᱭᱟ ᱛᱟᱞᱟ ᱡᱩᱜᱽ ᱨᱮᱱ ᱚᱱᱚᱬᱦᱤᱭᱟ ᱢᱮᱱ ᱛᱮ᱾ ᱚᱭᱮᱥᱴᱢᱤᱱᱤᱥᱴᱟᱨ ᱟᱵᱮ ᱨᱮᱱᱟᱜ ᱚᱱᱚᱬᱦᱤᱭᱟ ᱠᱚᱣᱟᱜ ᱛᱚᱯᱟ ᱨᱮ ᱛᱚᱯᱟ ᱟᱠᱟᱫᱤ ᱯᱟᱹᱦᱤᱞ ᱟᱱᱚᱬᱦᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱚᱱᱚᱞᱤᱭᱟᱹ ᱥᱟᱱᱟᱥᱤᱭᱟᱹ, ᱵᱩᱨᱚᱠᱨᱮᱥᱤ ᱨᱮᱱ ᱦᱚᱲ, ᱮᱥᱴᱨᱚᱱᱚᱢᱟᱨ ᱟᱨ ᱰᱮᱯᱞᱚᱢᱮᱴ ᱮ ᱛᱟᱦᱮ ᱠᱟᱱᱟ ᱾ ᱩᱱᱤᱭᱟᱜ ᱚᱞ ᱠᱚ ᱢᱩᱫ ᱨᱮ ᱫᱟ ᱵᱩᱠ ᱚᱵᱽ ᱫᱟ ᱰᱟᱪᱮᱥ, ᱦᱟᱣᱩᱥ ᱚᱵᱽ ᱯᱷᱮᱢ, ᱫᱟ ᱞᱤᱡᱮᱱᱰ ᱚᱵᱽ ᱜᱩᱰ ᱳᱢᱮᱱ, ᱴᱨᱚᱭᱞᱟᱥ ᱮᱱᱰ ᱠᱨᱤᱥᱤᱰᱤ ᱱᱤᱭᱟᱹ ᱠᱚ ᱠᱟᱱᱟ ᱾ ᱡᱚᱛᱚᱠᱷᱚᱱ ᱰᱷᱮᱨ ᱫᱚ ᱫᱟ ᱠᱮᱱᱴᱟᱨᱵᱟᱨᱤ ᱴᱮᱹᱞᱥ ᱧᱩᱢᱩᱜᱼᱟ ᱾ ᱤᱝᱞᱟᱱᱰ ᱨᱮ ᱯᱷᱨᱟᱱᱥ ᱟᱨ ᱞᱮᱴᱤᱱ ᱯᱟᱹᱨᱥᱤ ᱨᱮᱱᱟᱜ ᱫᱟᱯᱚᱴ ᱛᱮᱦᱮᱱ ᱚᱠᱛᱮ ᱨᱮᱜᱮ ᱪᱚᱥᱟᱨᱟᱜ ᱚᱞ ᱠᱚ ᱫᱚ ᱟᱭᱟᱜ ᱡᱟᱜᱟᱭ ᱦᱟᱛᱟᱣ ᱟᱠᱟᱫᱟ᱾
ᱡᱟᱱᱟᱢ
ᱪᱚᱥᱟᱨᱟᱜ ᱡᱟᱱᱟᱢ ᱨᱮᱱᱟᱜ ᱴᱷᱤᱠ ᱢᱟᱦᱟ ᱫᱚ ᱵᱟᱝ ᱵᱟᱰᱟᱭ ᱟᱠᱟᱱᱟ ᱾ ᱢᱮᱱᱠᱷᱟᱱ ᱢᱚᱱᱮᱜ ᱠᱟᱱᱟ ᱤᱝᱨᱮᱡᱤ ᱑᱓᱔᱓ ᱥᱮᱨᱢᱟ ᱠᱚ ᱛᱮ ᱜᱮ ᱩᱱᱤᱭᱟᱜ ᱡᱟᱱᱟᱢ ᱫᱚ ᱾ ᱪᱚᱥᱟᱨ ᱫᱚ ᱩᱝᱠᱩᱣᱟᱜ ᱜᱷᱟᱨᱚᱡᱽ ᱧᱤᱛᱩᱢ ᱠᱟᱱᱟ ᱾ ᱚᱱᱟ ᱫᱚ ᱯᱷᱨᱟᱱᱥ chausseur ᱠᱷᱚᱱ ᱦᱮᱡ ᱟᱠᱟᱱᱟ, ᱚᱱᱟ ᱨᱮᱱᱟᱜ ᱢᱟᱱᱮ ᱫᱚ ᱢᱩᱪᱤ᱾
ᱚᱞ ᱠᱚ
- ᱫᱟ ᱵᱩᱠ ᱚᱵᱽ ᱫᱟ ᱫᱟᱪᱮᱥ
- ᱴᱨᱚᱭᱞᱟᱥ ᱮᱱᱰ ᱠᱨᱤᱥᱤᱰᱤ
- ᱫᱟ ᱯᱟᱨᱞᱟᱢᱮᱱᱴ ᱚᱵᱽ ᱯᱷᱟᱣᱞᱥ
- ᱫᱟ ᱦᱟᱣᱩᱥ ᱚᱵᱽ ᱯᱷᱮᱢ
- ᱫᱟ ᱞᱤᱡᱮᱱᱰ ᱚᱵᱽ ᱜᱩᱰ ᱳᱢᱮᱱ
- ᱫᱟ ᱠᱮᱱᱴᱟᱨᱵᱟᱨᱤ ᱴᱮᱹᱞᱥ
- ᱫᱟ ᱱᱟᱱᱥ ᱯᱨᱤᱥᱴᱥ ᱴᱮᱹᱞ
- ᱨᱚᱢᱟᱱ ᱰᱤ ᱞᱟ ᱨᱳᱡᱟ
- ᱫᱟ ᱤᱥᱴᱚᱨᱤ ᱚᱵᱽ ᱜᱨᱤᱥᱮᱞᱰᱟ
- ᱟᱱᱮᱞᱤᱰᱟ ᱮᱱᱰ ᱟᱨᱫᱟᱭᱤᱴ