Allumìniu


Artìculu in LSC

S'allumìniu in sa tàula periòdica de is elementos

S'allumìniu est un'elementu chìmicu de sa tàula periòdica de is elementos e cun nùmeru atòmicu 13. Su sìmbulu suo est Al su e est identificadu dae su nùmeru CAS.7429-90-5

Si tratat de unu metallu brandu color prata.[1] S'allumìniu si bogat printzipalmente de sos minerales de bauxite[2] e est notàbille su moddiore, sa sua ligeresa e sa resistèntzia a s'ossidatzione, dèpida a sa formatzione de unu pìgiu de òssidu meda fine chi impeigat a s'ossìgenu dae arròere su metallu sutastante.[3] S'allumìniu grussu si traballat peri diversos protzessos de produtzione industriale, cales pro esèmpru sa fundidura, s'estrusione, sa sestadura o su moldàgiu.

S'allumìniu est impreadu in medas indùstrias pro sa fabricatzione de milliones de produtos diversos e est meda importante pro s'economia mundiale. Cumponentes istruturales fatos in allumìniu sunt vitales pro s'indùstria aerospatziale e meda importantes in unos àteros campos de is trasportos e de s'edilìtzia in is cales ligeresa, durada e resistèntzia sunt pretzisos.

Notas

  1. ↑ Luigi Rolla, Chimica e mineralogia. Per le Scuole superiori.
  2. ↑ Luigi Rolla, Chimica e mineralogia. Per le Scuole superiori.
  3. ↑ Luigi Rolla, Chimica e mineralogia. Per le Scuole superiori.

Àteros progetos

Sister project Wikimedia Commons tenet files chi ligant a: Allumìniu