Damníkov

Damníkov
germane Thomigsdorf
municipo
Baroka paroĥejo en Damníkov
Flago
Blazono
Oficiala nomo: Damníkov
Ŝtato Ĉeĥio Ĉeĥio
Regiono Regiono Pardubice
Distrikto Distrikto Ústí nad Orlicí
Administra municipo Lanškroun
Historiaj regionoj Bohemio, Sudetio
Rojo Lukovský potok
Situo Damníkov
 - alteco 362 m s. m.
 - koordinatoj 49° 52′ 10″ N 16° 33′ 14″ O / 49.86944 °N, 16.55389 °O / 49.86944; 16.55389 (mapo)
Areo 12,71 km² (1 271 ha)
Loĝantaro 686 (2023)
Denseco 53,97 loĝ./km²
Unua skribmencio 1304
Horzono MET (UTC+1)
 - somera tempo MET (UTC+2)
Poŝtkodo 561 23
NUTS 3 CZ053
NUTS 4 CZ0534
NUTS 5 CZ0534 580074
Katastraj teritorioj 1
Partoj de vilaĝo 1
Bazaj setlejunuoj 1
Situo enkadre de Ĉeĥio
Situo enkadre de Ĉeĥio
Situo enkadre de Ĉeĥio
Vikimedia Komunejo: Damníkov
Retpaĝo: www.damnikov.cz
Portalo pri Ĉeĥio

Vilaĝo Damníkov situas en Ĉeĥio, regiono Pardubice, distrikto Ústí nad Orlicí, laŭlonge de la rivereto Loukovský, 6 km sude de la urbo Lanškroun, 11 km oriente de Česká Třebová kaj 16 km norde de la urbo Svitavy. Vivas ĉi tie 686 loĝantoj (2023).

Historio

Ekzisto de la vilaĝo estas atestita en la jaro 1304. En la jaro 1349 ĝi estis havaĵo de la episkopejo Litomyšl kaj pli malfrue de monaĥejo Lanškroun. De la fino de 15-a jarcento ĝis nuligo de patrimonia reĝimo en la jaro 1848 ĝi estis parto de la sinjorejo Lanškroun.

De la fino de 14-a jarcento troviĝis en la vilaĝo fortikigita gotika preĝejo de Sankta Prokopio, kiu en la jaro 1895 estis detruita kaj sur ĝia loko estis ĝis la jaro 1898 konstruita novgotika templo de Sankta Johano la Baptisto.

La origina nomo de la vilaĝo estis verŝajne Damníkův Dvůr (Korto de Damník), kiu post transigo en la germanan estis ŝanĝita je Taming, kaj el ĝi je Thomigsdorf.

Memorindaĵoj

Preĝejo

En centro de la vilaĝo en tombejo estas granda novgotika preĝejo de Sankta Johano la Baptisto, en la jaro 1898 finkonstruita laŭ planoj de lichtenštejna arĥitekto K. Weinbrenner.

Multaj gotikaj ŝtonhakistaj detaloj el la origina gotika kirko estas videblaj enmasonitaj en tombeja barmuro: pintarka portalo, sankta ŝranko kronita per azena dorso kun bukedo, du trifoliaj cirkelaĵoj, ŝlosilaj embrazuroj, boltoj kaj aliaj.

Ekipaĵo de la preĝejo devenas el la komenco de 20-a jarcento.

Paroĥestrejo

La paroĥestrejo estas el la jaro 1754, estas duetaĝa, kvinaksa, kovrita per mansarda tegmento.

Statuoj

  • Kolono de Sankta Johano Nepomuka estas el la jaro 1713
  • Kolono de Sankta Prokopio rememoras patronon de la origina preĝejo. Ĝi staras sur soklo kun figura reliefo kaj estas datita 1710.

Bibliografio

  • Dr. E. Poche, DrSc. a kol. – Umělecké památky Čech. Eldonis Akademia en Prago en j. 1978.