Carneiro (constelación)

Aries
Nome latino	Aries
Abreviatura	Ari
Xenitivo	Arietis
Simboloxía	o Carneiro
Ascensión recta	3 h
Declinación	+20°
Área	441 graos cadrados Rango 39°
Número de estrelas (magnitude < 3)	2
Estrela máis brillante	α Ari (Hamal) (magnitude ap. 2.0)
Choiva de meteoros	Arietidas de Maio Arietidas de Outono Delta Arietidas Epsilon Arietidas Arietidas dunha Xornada Aries-Triangulidas
Constelacións lindeiras	Perseus Triangulum Pisces Cetus Taurus
Visible en latitudes entre +90° e −60° Mellor visibilidade ás 21:00 (9 p.m.) durante o mes de decembro

Aries ou Carneiro^[1] (símbolo , Unicode ♈) é unha das constelacións do zodíaco; atópase entre as constelacións de Pisces, ó oeste, e Taurus ó leste.

• α Arietis (Hamal ou Hamel), a estrela máis brillante da constelación con magnitude 2,01, unha xigante alaranxada rodeada dun fermoso grupo de estrelas.
• β Arietis (Sheratan), a segunda máis brillante con magnitude 2,64, binaria espectroscópica de cor branca.
• γ Arietis (Mesarthim), de magnitude 3,88 é unha estrela binaria onde as súas dúas compoñentes brancas están separadas 8 segundos de arco. Unha delas é unha estrela lixeiramente variable.
• δ Arietis (Botein), estrela xigante laranxa.
• ε Arietis, estrela binaria onde as súas compoñentes están separadas 1,5 segundos de arco.
• λ Arietis, binaria ampla cunha separación de 37,4 segundos de arco.
• 41 Arietis (Bharani), estrela branco-azulada de magnitude 3,61, aínda que non ten designación de Bayer é a terceira máis brillante da constelación.
• HD 20367, anana amarela cun planeta extrasolar.
• Estrela de Teegarden, anana vermella moi feble a uns 12,6 anos luz da Terra.
• TZ Arietis (Luyten 1159-16), anana vermella e estrela fulgurante tamén próxima ó sistema solar, a 14,5 anos luz.

• NGC 772 AR: 01h 59m 18.0s Dec: +19°01'00" (Época 2000). Galaxia difusa en espiral, a un grao de γ Arietis.

As estrelas da constelación Aries poden ser conectadas dun forma alternativa, coma graficamente indica o carneiro que está correndo (ou saltando).

A cabeza do cordeiro está formada polas estrelas α Ari, λ Ari, e β Ari: sendo α Ari de segunda magnitude e beta Arietis de terceira magnitude.

O corpo do carneiro consiste nas estrelas α Ari, η Ari, ε Ari, 41 Ari, e 35 Ari: ε Ari e 41 Ari son de cuarta magnitude.

O rabo do carneiro está formado polas estrelas 35 Ari, 41 Ari, e 39 Ari.

A estrela γ Ari, de cuarta magnitude, representa as patas de adiante, e a estrela δ Ari, tamén de cuarta magnitude, representa as patas de atrás.

Frixo e Hele son fillos de Atamante, rei de Tesalia e de Néfele. Tras quedar viúvo, Atamante volta a casar con Ino. Anos despois o reino sofre unha etapa de fames e a raíña decide sacrificar ós irmáns para rematar con esa desgraciada época. Hermes salva ós nenos entregándolles un carneiro alado, coa lá ou vélaro de ouro, e dotado do don da fala. Os nenos parten enriba del rumbo a Asia, salvando a vida. Durante a viaxe Hele cae ó mar e afoga, dando o seu nome a esa rexión mariña, que pasará nomearse Helesponto. Frixo chega á Cólquida, onde o seu rei Eeteso adopta e concedelle en matrimonio a súa filla Calcíope.

En agradecemento a Eetes, Frixo sacrifica o carneiro e ofrécelle o vélaro ó rei, quen o consagra a Ares e cólgao dunha anciña nun bosque adicado ó deus, gardado por un descomunal dragón e rodeado por campos onde pastan enormes touros salvaxes.

Segundo algúns, Aries é unha constelación de pouco brillo porque o vélaro de ouro do carneiro ficou na Cólquida.

• The Deep Photographic Guide to the Constellations: Aries (en inglés)
• NightSkyInfo.com: Constellation Aries (en inglés)
• Star Tales – Aries (en inglés)