Hans-Joachim Stuck

Hans-Joachim Stuck

Biografía
Nacemento	1 de xaneiro de 1951 (73 anos) Grainau, Alemaña (pt)
Datos persoais
País de nacionalidade	Alemaña
Actividade
Ocupación	piloto de Fórmula Un
Lingua	Lingua alemá
Nacionalidade deportiva	Alemaña
Deporte	automobilismo
Participou en
	24 Horas de Le Mans
Familia
Pai	Hans Stuck
Páxina web	hansstuck.com

Hans-Joachim Stuck (nado o 1 de xaneiro de 1951), Strietzel , é un piloto Alemán de carreiras que competeu en Fórmula 1 e moitas outras categorías.

Traxectoria

Naceu en Garmisch-Partenkirchen, e é o fillo de Christa Thielmann e o lendario Hans Stuck. Cando era neno, o seu pai ensinoulle a conducir en Nürburgring. En 1969 participou na súa primeira carreira de motor en Nordschleife. Ao falar dese día, dixo, "Chegar á grella foi moi emocionante. De súpeto, os meus desexos de converterme en corredor fíxose realidade. Só quería empezar a carreira e mandar a todos ó inferno!"^[1] o ano seguinte, con tan só 19 anos de idade, gañou as súas primeiras carreira de 24 horas ao volante dun BMW 2002ti. Gañou alí de novo en 1998 e 2004, tamén, cada vez cun BMW de turismo.

O sempre amable e divertido, alto e louro bávaro, que vive en Austria, foi alcumado Strietzel logo do seu nacemento pola súa avóa, como ela dicía que o bebé parecía unha das famosas tortas Stollen da súa Saxonia natal. Tamén é alcumado Regenmeister ("Mestre da choiva") pola súa habilidade para correr en pistas molladas.

En 1972, Stuck asociado con Jochen Mass levaron un Ford Capri RS2600 á vitoria na carreira de resistencia das 24 Horas de Spa en Bélxica. As súas campañas de carreiras no BMW 3.0 CSL "Batmobile" tiveron moito éxito en 1974 e 1975, no DRM alemán, así como nos Estados Unidos, xunto con Ronnie Peterson. Máis tarde, na década de 1970 correu co BMW 320i turbo.

Logo dalgúns éxitos en Fórmula 2 cun March-BMW, tamén entrou na F1 con March. Stuck participou en 81 grandes premios, debutando o 13 de xaneiro de 1974. Logrou 2 podios e anotou 29 puntos no campionato. Stuck tivo bastante éxito no Brabham - Alfa en 1977, liderando o Gran Premio dos Estados Unidos de 1977 en Watkins Glen baixo a choiva, pero foi substituído por Niki Lauda para 1978, Stuck perdeu a oportunidade de unirse a Williams F1 xusto antes de que este equipo logrse o éxito.

Debido á súa altura de 194 cm, non encaixaba ben nos coches de F1 da década de 1970 que tiñan a cabina adiantada. Deixou a F1 nese momento probablemente evitando malas lesións nas pernas, como as sufridas por Ronnie Peterson, Clay Regazzoni, Marc Surer e outros.

Stuck continuou competindo en carreiras de autos deportivos de todo o mundo, gañando as 24 Horas de Le Mans dúas veces cun Porsche 962. Stuck di que o 962 é o seu auto de carreiras favorito dos que pilotou durante a súa carreira, describíndoo como a "perfecta combinación de potencia e carga aerodinámica".

Na década de 1990 saboreou éxito cun coche de turismo, gañando o campionato DTM en 1990 con Audi, antes de regresar a Porsche nas 24 horas de Le Mans en 1998. Retomou un BMW oficial posteriormente. En 2006, Stuck competiu na tempada inaugural da fórmula Grand Prix Masters para pilotos retirados de Fórmula Un, logrando o 6º posto na primeira carreira no Circuíto de Kyalami en Suráfrica os días 11 e 13 de novembro de 2005.

En xaneiro de 2008 Stuck iniciou o seu actual cometido en Volkswagen Motorsport.^[2] Este papel tamén lle levou a utilizar a súa experiencia para axudar a refinar os coches de estrada, incluído o novo Golf VI GTI.^[3]

Stuck anunciou o fin da súa carreira activa como piloto de carreiras logo de 43 anos despois das 24 Horas de Nürburgring de 2011, no que participou cun Reiter Engineering Lamborghini Gallardo LP600 GT3 xunto con Dennis Rostek e os seus fillos Ferdinand Stuck e Johannes Stuck. O equipo Stuck³ terminou 15º na xeral logo de problemas na caixa de cambios.^[4]

Rexistro de carreiras

Resultados completos no Campionato Europeo de Fórmula 2

(Chave) As carreiras en letra grosa indican pole position; as carreiras en cursiva indican volta rápida.

Resultados Completos na Fórmula 1

(Chave) As carreiras en letra grosa indican pole position; as carreiras en cursiva indican volta rápida.

Resultados completos nas 24 Horas de Le Mans

Ano	Equipo	Copiloto	Coche	Clase	Voltas	Pos.	Pos. clase
1972	Ford Motor Company Deutschland	Jochen Mass	Ford Capri 2600RS	S 3.0	152	Ret	Ret
1973	BMW Motorsport	Chris Amon	BMW 3.0CSL	T 5.0	160	Ret	Ret
1980	BMW Motorsport GmbH	Hans-Georg Bürger Dominique Lacaud	BMW M1	IMSA	283	15º	5º
1981	BASF Cassetten Team GS Sport	Jean-Pierre Jarier Helmut Henzler	BMW M1	IMSA GTX	57	Ret	Ret
1982	BASF Cassetten Team GS Sport	Jean-Louis Schlesser Dieter Quester	Sauber SHS C6-Ford	C	76	Ret	Ret
1985	Rothmans Porsche	Derek Bell	Porsche 962C	C1	367	3º	3º
1986	Rothmans Porsche	Derek Bell Al Holbert	Porsche 962C	C1	368	1º	1º
1987	Rothmans Porsche AG	Derek Bell Al Holbert	Porsche 962C	C1	368	1º	1º
1988	Porsche AG	Klaus Ludwig Derek Bell	Porsche 962C	C1	394	2º	2º
1989	Joest Racing	Bob Wollek	Porsche 962C	C1	382	3º	3º
1990	Joest Porsche Racing	Derek Bell Frank Jelinski	Porsche 962C	C1	350	4º	4º
1991	Konrad Motorsport	Derek Bell Frank Jelinski	Porsche 962C	C2	347	7º	7º
1993	Le Mans Porsche Team	Walter Röhrl Hurley Haywood	Porsche 911 Turbo S LM-GT	GT	79	Ret	Ret
1994	Le Mans Porsche Team Joest Racing	Thierry Boutsen Danny Sullivan	Dauer 962 Le Mans	GT1	343	3º	2º
1995	Porsche Kremer Racing	Thierry Boutsen Christophe Bouchut	Kremer K8 Spyder	WSC	289	6º	2º
1996	Porsche AG	Thierry Boutsen Bob Wollek	Porsche 911 GT1	GT1	353	2º	1º
1997	Porsche AG	Thierry Boutsen Bob Wollek	Porsche 911 GT1	GT1	238	Ret	Ret
1998	Team BMW Motorsport	Steve Soper Tom Kristensen	BMW V12 LM	LMP1	60	Ret	Ret

Resultados completos nas 24 Horas de Nürburgring

Notas

Véxase tamén

Ligazóns externas

• Official website Arquivado 21 de setembro de 2014 en Wayback Machine.