میری کوم

میری کوم
(انگریزی میں: Mary Kom)
رکن پارلیمان (بھارت), راجیہ سبھا
آغاز منصب 25 April 2016
نامزد کنندہ	پرنب مکھرجی
معلومات شخصیت
پیدائش	1 مارچ 1982ء (43 سال)  منی پور
شہریت	بھارت
قد	158 سنٹی میٹر
وزن	51 کلو گرام
عملی زندگی
پیشہ	مکے باز [1]،  سیاست دان
کھیل	مکے بازی
کھیل کا ملک	بھارت
اعزازات
پدم وبھوشن   (2020)[2]  پدم شری اعزاز برائے کھیل    پدم بھوشن  [3] ارجن ایوارڈ
	IMDB پر صفحہ
درستی - ترمیم

میری کوم (انگریزی: Mary Kom) (ولادت: 1 مارچ 1983ء^[4]) بھارت کی مکے باز ہیں جنھوں نے اولمپکس میں خطاب جیتا ہے۔ وہ راجیہ سبھا کی موجودہ رکن بھی ہیں۔^[5][6][7] وہ دنیا کی اکلوتی خاتون شوقیہ مکے باز ہیں جنھوں نے لگاتار 6 مرتبہ عالمی خطاب جیتا ہے۔ وہ 8 مرتبہ خطاب جیتنے والی دنیا کی واحد مکے باز ہیں۔ اب تک یہ کارنامہ کوئی بھی مرد یا خاتون نہیں کرسکی ہیں۔^{[8][9][10][11]} ان کا دوسرا نام میگنیفیشینے میری ہے۔ وہ بھارت کی اکلوتی مکے باز ہیں جنھوں نے 2012ء گرمائی اولمپکس میں نہ صرف شامل ہونے کی اہل قرار پائیں بلکہ 51 کلو کے زمرے میں کانسی کا تمغا بھی جیتا۔^[12] وہ کئی دنوں تک نمبر ایک مکے باز رہی ہیں۔^[13][14] 2014ء میں انچون، جنوبی کوریا میں انھیں طلائی تمغا ملا اور 2018ء دولت مشترکہ کھیل میں بھی انھوں نے طلائی تمغا اپنے نام کیا۔

25 اپریل 2016ء کو صدر بھارت نے انھیں راجیہ سبھا کے لیے نامزد کیا اور وہ رکن بھارتی پارلیمان بن گئیں۔^[15]

میری کوم کی پیدائش منی پور، ہندوستان کے نواحی گاؤں میں ہوئی ^[16]۔ وہ ایک غریب گھرانے سے آئی ہیں، ان کے والدین مزارعے تھے جو جھم کے کھیتوں میں کام کرتے تھے ^[17]۔ میری کوم کا پیدائشی نام چنگنی جنگ رکھا۔ میری کوم والدین کی کھیتوں سے متعلقہ کام میں مدد کے ساتھ ساتھ اسکول بھی جاتیں اور مکے بازی کی مشق بھی کرتیں ۔ میری کوم کے والد جوانی میں پہلوان تھے۔ میری کوم اپنے تین بہن بھائیوں میں سب سے بڑی تھیں، اس کی ایک چھوٹی بہن اور بھائی حیات ہے ^[18]۔ وہ ایک مسیحی بپتسمہ گھرانے سے تعلق رکھتی ہیں۔ ^[19]

اپنی شادی کے بعد میری کوم نے مکے بازی سے مختصر وقت کے لیے رخصت لی اور اپنی ازدواجی زندگی پر توجہ دی۔ دو بچوں کے پیدا ہونے کے بعد ،میری کوم نے دوبارہ مکے بازی کی تربیت شروع کی۔ انھوں نے 2008 میں ہندوستان میں منعقدہ ایشین ویمنز باکسنگ چیمپین شپ میں چاندی کا تمغا جیتا ^[20] اور چین میں منعقدہ اے آئی بی اے ویمن ورلڈ باکسنگ چیمپین شپ میں چوتھی بار لگاتار سونے کا تمغا جیتا ^[21] ۔ اس کے بعد ویتنام میں 2009 میں ایشین انڈور گیمز میں طلائی تمغا حاصل کیا تھا۔ ^[22] وو 2010 میں ، میری کوم نے قازقستان میں ایشین خواتین باکسنگ چیمپین شپ میں سونے کا تمغا جیتا اور بارباڈوس میں 2010 کے اے ای بی اے(AIBA) ویمن ورلڈ باکسنگ چیمپئن شپ میں مسلسل پانچواں طلائی تمغا جیتا۔ 46 کلو زمرے کے استعمال ترک کرنے کے بعد ، اس نے 48 کلو وزن کے زمرے میں بارباڈوس میں حصہ لیا۔ ^[23] 2010 کے ایشین گیمز میں ، اس نے 51 کلو زمرے میں حصہ لیا اور کانسی کا تمغا جیتا۔ ^[24] 2011 میں ، اس نے چین میں جاری ایشین ویمن کپ میں 48 کلو زمرے میں سونے کا تمغا جیتا ۔ ^{[25] [26]}

میری کوم نے پیشہ ورانہ مکے بازی میں حصہ لیے بغیر غیر پیشہ ورانہ مکے بازی میں نیا معیار مقرر کر دیا۔ وہ ہندوستان کی پہلی غیر پیشہ ورانہ اتھلیٹ ہیں جنہیں پدما بھوشن ایوارڈ ملا۔ انھیں مندرجہ ذیل ایوارڈ مل چکے ہیں:

• پدما وی بھوشن ^[27]
• پدما بھوشن ^[28]
• راجیو گاندھی کھیل رتنا ایوارڈ ^{[29] [30]}
• پدما شری ^[28]
• ارجنا ایوارڈ (باکسنگ

[[en:Mary Kom]