Europese tortelduif
| Europese tortelduif | |
|---|---|
| |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | |
| Spesie: | S. turtur
|
| Binomiale naam | |
| Streptopelia turtur (Linnaeus, 1758)
| |
| |
| verspreiding
broeigebied oorwinteringsgebied | |
Die Europese tortelduif (Streptopelia turtur) is 'n lid van die voëlfamilie Columbidae. In Suider-Afrika is die voëlspesie nog net vyf keer as 'n swerwer aangeteken, naamlik in Suid-Afrika, Namibië en Botswana.
Dit is 'n trekvoëlspesie met 'n suiderlike Palearktiese leefarea, insluitend Turkye en Noord-Afrika, alhoewel dit skaars is in noordelike Skandinawië en Rusland. Hierdie tortelduiwe oorwinter in Noord-Afrika, met enkele swerwers wat suidelike Afrika bereik.
In Europa het die getalle van die tortelduif baie afgeneem, omrede verandering in landboumetodes die voël se voeding bedreig. Op die trekroetes oor Malta en Siprus word hulle ook gejag en geëet. In 2016 maak die Maltese regering bekend dat in Malta 5 000 voëls geskiet mag word, wat tot protes uit ander lidstate van die Europese Unie lei.[1]
Identifikasie
Die duif is groter as die lemoenduif. Dit is 26 tot 28 cm lank en weeg 110 tot 180 gram. Die duif is duidelik gekleur en gemerk met 'n kenmerkende swart-en-wit nekvlek. Die vlerkdekvere het donker middelste dele wat teen die breë kastaiingbruin some afsteek. Tydens die vlug het die buitestert breë wit punte. Die jong duif het nie 'n nekvlek nie.
Sien ook
- Alfabetiese lys van Suid-Afrikaanse voëls
- Lys van Suid-Afrikaanse voëls (Groepeer)
- Lys van Suider-Afrikaanse voëls volgens wetenskaplike name
Bron
- Sasol Voëls van Suider-Afrika. Struik Nature. Vierde Uitgawe 2011. ISBN 978-1-77007-926-7
Verwysings
- ↑ "The Guardian 16 Maart 2016" (in Engels). Geargiveer vanaf die oorspronklike op 10 Junie 2020.