Genver

Miz kentañ ar bloaz en deiziadur gregorian eo miz Genver, skrivet Genveur a-wechoù.

Deizioù ar miz

• Ar 1añ eo an deiz ma vez hetet ar Bloavezh Mat.
• Ar 6 eo Gouel ar Rouaned en Iliz katolik roman. Devezh ar profoù eo er bed spagnolek.

Krennlavaroù

• « Deiz gouel sant Adrien / E trec'h al laou war ar c'hwen »^[1]
• « Genver a garg ar foz, C'hwevrer e zalc'h kloz »^[2]
• « Genverig a lavar / Ez eus vi gant ar yar »
• « Gwell eo gwelet ki en kounnar / Evit heol e miz Genvar »
• « Hanter Genver un eur a hed / Da c'houel Chandelour div abred »
• « Hanter Genver div eur deiz, / D'ar Chantelour teir ne vez. »^[3] ; "ar Chantelour" : Gouel Maria ar Gouloù : d'an 2 a viz C'hwevrer en Iliz katolik roman.
• « Miz Genver / Kalet pe dener »
• « Miz Genver e hal ar saout hag e tozv ar yer »
• « Miz Genver e tozv an enez hag e hal an dañvadez »
• « Miz Genver, hiziv evel kent / A ziskouez eo hir e zent »^[4]
• « Ne vo ket leun ar solier / Mar bez heol tomm da viz Genver »
• « Pa vez tremenet dent Genver / E vez diskouloc'h an amzer »^[5]
• « Pa vez kurun e miz Genver / E vez kurun bep miz. »

Anv-tud

Un anv-badez hag un anv-tiegezh eo Genver ivez.

Tud miz Genver

• Jorj Kadoudal, bet ganet d'ar 1añ a viz Genver 1771.

Pennadoù kar

‎

Sellit ouzh ar ger Genver er
wikeriadur, ar geriadur frank.

• Gennaro, anv-badez italianek
• Januária, anv-badez portugalek

Notennoù ha daveennoù