Burcina Faso
| Burcina Faso Burkina Faso | |||
|
| ||
| |||
| Informa jeneral | |||
| Capital: | Ouagadougou | ||
| Lingua ofisial: | Franses | ||
| Dirije | |||
| Governa: | Republica semipresidental unial | ||
| - Xef de stato: | Presidente Roch Marc Christian Kaboré | ||
| - Xef de governa: | Ministro xef | ||
| Otras | |||
| Area: | 274.200 km² | ||
| Popla: | 20.107.509 | ||
| Densia: | 64 | ||
| PIB: | $38.758 biliones | ||
| Mone: | |||
| Zona de ora: | |||
| Numero de telefon: | |||
| Interede: | |||
| |||
Burcina Faso es un pais sin costa en Africa ueste.
Lo covre un area de sirca 274.200 cilometres cuadrida e es ensircada par ses paises: Mali a la norde, Nijer a la este, Benin a la sude-este, Togo e Gana a la sude, e Costa de Ivor a la sude-ueste. Sua capital es Ouagadougou. En 2015, on ia estima sua popla a pico plu ca 17,3 milion persones.
Burcina Faso es un pais de lingua franses, e franses es un lingua ofisial de governa e comersia. Linguas sudanica es parlada par 90% de la popla. Istorial nomida la Republica de Volta Alta, la pais ia es renomida a Burcina Faso a 4 agosto 1984 par Thomas Sankara, la presidente alora. La sitadanes de Burcina Faso es nomida burcinabes.
La parte norde-ueste de la pais moderna ia es poplada par xasores-coliores de 14000 aec asta 5000 aec. Entre la sentenios 3 e 13 ec, la cultur Bura de la eda de fero ia esiste en la teritorio presente de Burcina Faso sude-este e Nijer sude-ueste. Alga grupos etnical de la Burcina Faso presente, como la mosis, fulbes e diulas, ia ariva en ondas entre la sentenios 8 e 15. De la sentenio 11, la mosis ia institui renas diversa.
En la desenio de 1890, en la Scaramuxa European per Africa, la teritorio de Burcina Faso ia es invadeda par Frans, e controla colonial ia es instituida pos un gera de concista entre 1896 e 1904. La teritorio ia deveni un parte de Africa Ueste Franses en 1904, e on ia institui la colonia Volta Alta Franses a 1 marto 1919, nomida per sua loca a la cursos alta de Rio Volta.
