2024年

2024年是平年，第一天从礼拜一开始。

• 1月5号，美国阿拉斯加航空1282号班机勒拉俄勒冈州波特兰上空发生紧急逃生舱门飞脱个事体，紧急迫降波特兰国际机场。事故呒没人死脱，全美国停飞涉事机型波音737 MAX 9。
• 1月15号，瑙鲁宣布同中华民国断交，並同中华人民共和国复交。
• 1月20号，中国江苏省常州市武进区常州燊荣金属科技有限公司生产车间发生粉尘爆炸，拢总8人死亡、8人轻伤。
• 1月25号，美国25名共和党籍州长发表声明支持德克萨斯州州长格雷格·阿博特个“孤星行动”。
• 1月28号，中國恆大畀香港高等法院命令清盤。
• 1月29号夜到，上海松江区一工业园区发生爆炸，3人受伤。

• 2月1号，中华民国第十一届立法院开始，韩国瑜搭仔江启臣分别当选立法院长搭仔副院长。
• 2月1号，中国大陆民航局宣布调整台海中线西面个M503航路飞行设置，台湾陆委会表示抗议。
• 2月5号，白金汉宫讲，英国国王查尔斯三世生癌，勒拉接受治疗。
• 2月7号，日本东京电力公司表示，福岛第一核电站核污染水净化装置漏仔约5.5吨含放射性物质个未处理核污染水。
• 2月8号，乌克兰总统泽连斯基拿扎卢日内个乌军总司令撤脱，改由瑟尔斯基担任乌军总司令。
• 2月14号，中华人民共和国一艘快艇勒拉中华民国福建省金門縣附近畀中华民国海巡署第九海巡队查，快艇逃个辰光翻脱，4家头落拉海里向，当中2個人呒没救转来。
• 2月14号，古巴同韩国建交。
• 2月21号，以色列国会通过决议，支持总理内塔尼亚胡，反对单方面承认巴勒斯坦国。
• 2月23号，中国江苏省南京市雨花台区一幢居民楼失火哉，15人死脱。
• 2月25号，美国军人亚伦·布什内尔因为美国勒拉以色列-哈马斯战争里向一直支持以色列，勒拉华盛顿特区以色列大使馆外头自焚。
• 2月26号，匈牙利国会批准瑞典加入北约。
• 2月29号，加沙一批领食物个难民畀以色列国防军枪击，引发踩踏，至少112人故脱、750人受伤。

• 3月1号，中华人民共和国广东省珠海市横琴粤澳深度合作区从零点开始正式封关运作。
• 3月5号，中华人民共和国第十四届全国人民代表大会第二次会议开幕。
• 3月10号，传记电影《奥本海默》横扫第96届奥斯卡金像奖个最佳影片、最佳导演、最佳男主角、最佳原创配乐等7项大奖。
• 3月13号，中华人民共和国河北省廊坊市三河市燕郊镇发生爆炸，7死27伤。
• 3月19号，浙江省台州市台州职业技术学院里向有学生仔开仔部汽车撞人，撞死脱3家头，还有16人受伤。
• 3月19号，日本银行决定解除脱“负利率政策”。
• 3月20號，民航局通報“3·21”東航MU5735航空器飛行事故个調查進展情況。
• 3月22号，俄罗斯莫斯科州克拉斯诺戈尔斯克个番红花城市大厅（克罗库斯城音乐厅）发生袭击，故脱至少143人、超过300人受伤。
• 3月27号，江苏省南通市发布《禁止制造 销售封建迷信殡葬用品的通告》，禁止全市任何单位搭仔个人做搭仔卖纸钿、纸扎个物事啥个“封建迷信殡葬用品”。
• 3月31号，保加利亚同罗马尼亚部分加入申根区，申根协定只对乘飞机搭仔乘船过境个起作用。

• 4月1号，前中华民国总统马英九到仔深圳宝安国际机场，展开11天个独立访问。
• 4月1号，以色列轰炸伊朗驻叙利亚大使馆，炸死14個人，包括伊朗伊斯兰革命卫队圣城旅个指挥官，准将穆罕默德·礼萨·扎赫迪。
• 4月2号，中华人民共和国司法部前部长唐一军因违法违纪畀人带走接受调查。
• 4月3号，台湾花莲县近海发生里氏7.2级地震，吴越地区有震感。
• 4月8号，日食出现拉北美洲。墨西哥北部、美国中部到东北部搭仔加拿大东南部好看到日全食。
• 4月10号，中共中央总书记习近平同中华民国前总统、中国国民党前主席马英九勒拉北京人民大会堂第二趟碰头，讨论两岸问题。
• 4月11号，一個网名叫“胖猫”个男小倌跳江自杀，引发关注。
• 4月13号，为咾回应4月1号以色列轰炸伊朗驻叙利亚大使馆，伊朗空袭以色列。
• 4月16号，2024年夏季奥林匹克运动会个圣火火种勒拉希腊奥林匹亚城采集。
• 4月19号，中国人民解放军战略支援部队拆分重组成功信息支援部队、军事航天部队搭仔网络空间部队。
• 4月25号，神舟十八号发射升空。
• 4月30号，哥伦比亚大学校方授权纽约警察进学堂拿占领汉密尔顿大楼个学生仔抓脱，抓脱100多人。

• 5月1号，中国广东省梅州市大埔县茶阳镇梅大高速公路福建省方向路面塌脱，48人故脱。
• 5月2号，河南大学个大礼堂来勒修缮个辰光烧脱。
• 5月3号，嫦娥六号勒拉中国文昌航天发射场成功发射。
• 5月8号，2024年夏季奥林匹克运动会火炬传递到马赛老港，开始环法国个圣火传递。
• 5月10号，太阳风暴让热带也觑得到极光。
• 5月13号，新喀里多尼亚反对新移民拥有地方选举参政权个示威变成暴力抗议。
• 5月13号，英国伦敦警察厅公布有三名男人涉嫌协助香港情报机关收集当地香港人个资料搭仔进行外国干涉，违反《2023年国家安全法》。
• 5月20号，赖清德同萧美琴分别正式就任中华民国第16任总统搭仔副总统。
• 5月21号，欧盟通过《人工智能法案》，目的是建立对人工智能个监管搭仔法律框架。
• 5月22号，中国人民解放军东部战区为咾回应赖清德就任中华民国总统个辰光个言话，来勒台湾海峡、金门岛、马祖岛、巴士海峡、菲律宾海等地发起“联合利剑－2024A”演习。
• 5月27号，中国安徽省铜陵市一栋楼坍脱，死脱4人，1人受伤。
• 5月28号，西班牙、爱尔兰、挪威宣布正式承认巴勒斯坦国。
• 5月29号，印度德里测到52.9摄氏度个高温。
• 5月30号，纽约州曼哈顿一地方法院裁定美国前总统唐纳德·特朗普个34项刑事罪名成立。

• 6月1号，有人来勒日本靖国神社门口个石头柱子浪拆尿。
• 6月2号，来勒鹊桥二号中继星个支持下头，嫦娥六号着陆器帮上升器组合体来勒月球背面南极-艾特肯盆地个阿波罗环形山着陆。
• 6月5号，波音CST-100星际航线头一趟载人任务成功发射,同国际空间站对接。
• 6月9号，浙江宣布进入黄梅天。
• 6月15号，乌克兰和平峰会来勒瑞士下瓦尔登州比尔根山个布尔根施托克度假村举行。
• 6月19号，江苏、上海、安徽宣布“入梅”。
• 6月24号，韩国京畿道华城市一家电池制造厂发生火灾，烧死23個人，当中17人是中国公民。
• 6月24号，一個男人来勒苏州虎丘新地中心公交站台掏出刀袭击2名住勒中国个日侨搭仔日本人学校校车职员，2人受伤，1人死脱。
• 6月25号，嫦娥六号回到地球，带回来头一批月球背面样本。
• 6月29号，苏州轨道交通6号线开通运营。
• 6月30号，中国河南巩义，天龙三号运载火箭个一级发动机来勒静态试验个辰光飞出试验场，落勒附近山区失火哉。

• 7月4号，白俄罗斯加入上合组织。
• 7月5号，基尔·斯塔默就任新一任英国首相。
• 7月5号，湖南省岳阳市华容县团洲垸洞庭湖一线决堤哉。
• 7月13号，为年底总统大选造势个唐納德·川普畀刺杀朆成。
• 7月19号，大规模蓝屏导致全球交关系统受到影响。
• 7月19号，温医大附一院一名医生畀人砍死。
• 7月21号，乔·拜登正式宣布退出2024年美国总统选举。
• 7月24号，哈马斯、法塔赫等巴勒斯坦14隻政治派别来勒北京签署《北京宣言》，同意结束分歧，组建民族团结政府。
• 7月26号，第33届夏季奥林匹克运动会来勒法国巴黎举行。
• 7月26号，中国黄（渤）海候鸟栖息地（第二期）列入世界遗产名录。
• 7月29号，英国默西塞德郡绍斯波特一家舞蹈学堂里向发生一桩持刀袭击事体，引发英国多地个大规模反穆斯林反移民个示威骚乱。

• 8月1号，美国等五個西方国家来勒埃森博阿国际机场同俄罗斯、白俄罗斯进行冷战以来规模顶大个换俘行动，总共交换26人。
• 8月8号，日本宫崎县日南市近海发生7.1级地震，宫崎、四国地区拉响海啸预警。
• 8月11号，2024年夏季奥林匹克运动会闭幕式来勒法兰西体育场举行。
• 8月14号，世卫组织宣布非洲猴痘疫情是全球卫生紧急事件。
• 8月17号，印度尼西亚正式从雅加达迁都到努桑塔拉。
• 8月28号，2024年夏季残疾人奥林匹克运动会来勒法国巴黎开幕。

• 9月6号，杭温高速铁路开通，是中国头一条“双示范”民营控股高铁项目。
• 9月7号，因为技术故障，波音载人飞行测试个波音星际客机改成无人返回地球着陆。
• 9月8号，2024年夏季残疾人奥林匹克运动会闭幕式来勒法国巴黎当地辰光夜到头举行。
• 9月10号，苏州轨道交通8号线开通运营。
• 9月13号，中国全国人民代表大会常务委员会通过延迟退休方案，2025年开始用15年辰光拿男职工退休年龄从60岁拖到63岁，女职工退休年龄从50岁、55岁分别拖到55岁、58岁。
• 9月15号，龙龙高铁梅州到龙川段正式开通，中国铁路总里程突破16万公里，完成中华民国国父孙中山先生个建国方略。
• 9月16号，台风贝碧嘉来勒上海市浦东新区临港新城登陆，成为1949年以来登陆上海最强个台风。
• 9月17号，黎巴嫩发生BP机大规模爆炸事体，後续还炸脱弗少电子产品，造成至少9人死亡、2750人受伤。
• 9月19号，热带风暴普拉桑登陆舟山市岱山县搭仔上海市奉贤区，带来特大暴雨。
• 9月27号，勒A股行情爆发个辰光，上海证券交易所宕机哉。
• 9月30号，中国上海市松江区松汇中路沃尔玛超市发生持械伤人个事体，造成3死15伤。

• 10月1号，以色列国防军入侵以黎边界。
• 10月1号，石破茂就任日本首相。
• 10月4号，经过长达一年个反补贴调查，欧盟表决批准对从中国进口个电动汽车加征关税。
• 10月12号，紫金山-阿特拉斯彗星接近地球到达近日点。
• 10月17号，2024年年度最大超级月亮出现哉。
• 10月21号，维基媒体基金会拿英文维基百科条目“Asian News International vs. Wikimedia Foundation”删脱，是维基百科史上第一篇畀基金会删脱个英文维基百科条目。
• 10月22号，2024年金砖国家峰会来勒俄罗斯喀山开幕。
• 10月27号，有野猪冲进南京南站搭紫金山东站當中个联络线，撞着部火车，车子浪个机械师下车检修个辰光畀其他列车轧死。
• 10月31号，超强台风康妮横穿台湾岛，来勒东海北上，刷新长三角地区最晏强降水记录。
• 10月31号，姚明辞职，弗再担任中国篮协主席。

• 11月1号，朝鲜承认伊正式派兵去俄罗斯参加俄乌战争。
• 11月1号，美国纽约州环境保护局上门安乐死一只网红松鼠，引发对安乐死个争议。
• 11月6号，美国总统选举结果出来哉，共和党籍前任总统唐纳德·特朗普打败民主党籍卡马拉·哈里斯。
• 11月11号，广东省珠海市发生开车子撞人个事体，35人死脱、43人受伤，肇事司机自杀畀抢救转来。
• 11月15号，为期两天个亚太经合组织领导人峰会来勒秘鲁首都利马举行。
• 11月16号，江苏省宜兴市无锡工艺职业技术学院里向发生持刀伤人事体，8人死脱，17人受伤。
• 11月18号，为期两天个二十国集团领导人峰会来勒巴西里约热内卢开幕。
• 11月27号，上海市委常委、浦东新区区委书记朱芝松涉嫌违法畀调查。
• 11月27号，叙利亚反对派发动军事攻势，一路打进阿勒颇市区。
• 11月27号，以色列帮黎巴嫩真主党签订个停战协议正式生效。
• 11月30号，上海地铁17号线延伸到西岑站个西延伸段开通。

• 12月1号，苏州轨道交通7号线开通运营。
• 12月1号，美國總統喬·拜登特赦伊儿子亨特·拜登。
• 12月3号，韩国总统尹锡悦宣布戒严，随后国会通过决议要求解除戒严令。
• 12月4号，法国政府畀国民议会倒阁，总理米歇尔·巴尼耶辞职，是第五共和国头一趟。
• 12月4号，春节申报世界非物质文化遗产成功。
• 12月8号，南方作战部搭仔叙利亚自由军打进大马士革，巴沙尔·阿萨德逃离大马士革，叙利亚复兴党政权畀灭脱。
• 12月8号，以色列发动对叙利亚个入侵，彻底占领戈兰高地，并派部队向大马士革进攻。
• 12月8号，巴黎圣母院重新开放。
• 12月10号，因为涉嫌垄断，欧盟帮中国分别对英伟达展开反垄断调查。
• 12月11号，国际足联宣布2034年世界杯足球赛由沙特阿拉伯主办。
• 12月12号，印度棋手多马拉朱·古凯什来勒2024年国际象棋世界冠军赛里向赢仔丁立人，成为历史上年纪顶小个国际象棋世界冠军。
• 12月14号，国会通过尹锡悦弹劾案，韩国总统尹锡悦畀停职，生活由总理韩惪洙代行。
• 12月14号，无锡硕放机场年旅客吞吐量首次突破1000万人次，成为江苏省第二家年旅客吞吐量超过1000万人次个机场。
• 12月20号，德国萨克森-安哈尔特州首府马格德堡个圣诞市场出现汽车冲撞袭击，至少5人死脱，205人受伤。
• 12月22号，沪嘉高速-嘉闵高架联络线个建设塔吊伸进11号线运行区间，帮列车撞勒一道，线路运行中断。
• 12月24号，法国巴黎埃菲尔铁塔个电梯井失火。
• 12月27号，上海市域铁路机场联络线首通段通车，是中国国内头一条好帮国铁网络互通互联个市域铁路示范工程。
• 12月27号，076型两栖攻击舰个首舰四川号来勒上海下水。
• 12月29号，韩国济州航空一架波音737-800客机来勒务安国际机场降落个辰光冲出跑道，撞上围栏，发生爆炸，只活下来2名机组成员。

• 2月6号——塞瓦斯蒂安·皮涅拉
• 2月16号——阿列克谢·纳瓦利内
• 2月25号——宗庆后
• 3月1号——鸟山明
• 4月8号——彼得·希格斯
• 7月8号——傅子明
• 8月4号——李政道
• 9月27号——哈桑·纳斯鲁拉
• 10月8号——吴邦国
• 12月2号——童祥苓
• 12月2号——刘家昌
• 12月4号——琼瑶
• 12月5号——贡布多吉
• 12月24号——钱绍昌
• 12月29号——吉米·卡特