Otoman imperio
| دولت عليه عثمانیه Devlet-i ʿAlīye-i ʿOsmānīye | ||
| c. 1299 til 1922/1923 | ||
|
| |
| ||
Urbi
| ||
| Chefurbo: | Söğüt (c.1299 til 1335) Istanbul (1453-1922) | |
Linguo
| ||
| Oficala linguo: | Turka | |
| Tipi: | monarkio | |
| · Sultano: | Osman Gazi (unesma) Mehmed la 6ma (lasta) | |
| · Entote: | 5 200 000 km² (1683) 1 800 000 km² (1914) | |
Habitanti
| ||
| · Entote: | 30 000 000 (1683) 24 000 000 (1914) | |
| Valuto: | Akçe (til 1687), kuruş (1687 til 1843), Lira (1844-1923) | |
| Religii: | Islamo (precipua) | |
| Kauzo di la fino: | aboliso dil sultanio (1922) ed establiso di la Republiko di Turkia (1923) | |
L'Otoman imperio esis extensa Islamala imperio qua jacis en Azia, en nord-Afrika ecepte Maroko e parto di estal Europa. Ol existis de 1299 til 1923, kande Turkia divenis republiko.
Bazala fakti pri l'Otoman imperio.
Historio
Ante ke l'Otoman imperio formacesis, existis en Anatolia la Turka-Persiana sultanio Rûm, anke konocata kom "Stato Seljuka di Anatolia" (Turke Türk(iye) Selçuklu Devleti) qua guvernesis dal dinastio Seljuk de 1077 til c. 1307. Samatempe kam la sultanio komencis dekadar, Turkia dividesis en multa nedependanta princii (Beyliks). Un ek ica Beylik guvernesis da Osman, od Otman (m. 1323 o 1324), origino dil nomo "Otoman". Osman konquestis Bizancana urbi alonge la fluvio Sakarya. Tamen, pro manko di bone skribita fonti de ta epoko, ne existas generala konsento pri quale ilu sucesis konquestar ta urbi.
Pos la morto di Osman la 1ma, lua filiulo Orhan Gazi kaptis l'urbo Bursa en 1326 e transformis ol en chef-urbo di ilua rejio. En 1387 ilu kaptis Thesaloniki de la Republiko Venezia ed en 1389 ilu vinkis Serbian imperio e kaptis Kosovo. La vinkeso Otomana che la batalio di Nikopolis, urbo en la Bulgara imperio, haltis l'expanso Otomana.