John Cockcroft

John Douglas Cockcroft
Datos persoais
Nacemento	27 de maio de 1897
Lugar	Todmorden, Inglaterra
Falecemento	18 de setembro de 1967
Lugar	Cambridge, Inglaterra
Soterrado	Ascension Parish Burial Ground
Nacionalidade	Reino Unido
Cónxuxe	Elizabeth Crabtree
Actividade
Campo	Física
Alma máter	Victoria University of Manchester, University of Manchester Institute of Science and Technology, St John's College e Richard Huish College, Taunton
Director de tese	Ernest Rutherford
Contribucións e premios
Premios	Premio Nobel de Física en 1951
[ editar datos en Wikidata ]
v c e

Sir John Douglas Cockcroft, nado o 27 de maio de 1897 e finado o 18 de setembro de 1967, foi un físico británico. Recibiu o premio Nobel de Física por ser o primeiro en desintegrar un núcleo atómico, e foi primordial no desenvolvemento da enerxía nuclear.

Traxectoria

Cockcroft naceu en Todmorden, Inglaterra. Foi educado na escola de secundaria de Todmorden e estudou matemáticas na Universidade de Manchester.

En 1928 traballou como investigador no Saint John's College, cargo que desempeñou ata 1946. No ano 1932, e en colaboración co físico Ernest Walton, foi o primeiro en desintegrar un núcleo atómico con partículas subatómicas aceleradas artificialmente. Usaron un acelerador de partículas que desenvolveran para bombardear átomos de litio con protóns. Algúns dos átomos de litio absorbían un protón e se desintegraban en dous átomos de helio. Entre 1941 e 1944, foi supervisor xefe do departamento de Investigación e Desenvolvemento das Forzas Aéreas británicas, e desde 1944 a 1946 exerceu como director da división de enerxía atómica do Consello de Investigación Nacional do Canadá. En 1948 concedéronlle o título de sir e compartiu con Walton o Premio Nobel de Física de 1951.