5. mars

Feb – Mar – Apr
SuMáÞrMiFiFöLa
12
3456789
10111213141516
17181920212223
24252627282930
31
2024
Allir dagar

5. mars er 64. dagur ársins (65. á hlaupári) samkvæmt gregoríska tímatalinu. 301 dagur er eftir af árinu.

Atburðir

  • 473 - Glycerius, varð Rómarkeisari.
  • 1279 - Litháar, undir stjórn stórfurstans Traidenis, sigruðu Þýsku riddarana í orrustunni við Aizkrauklė.
  • 1460 - Kristján 1. var kjörinn greifi af Holtsetalandi og hertogi af Slésvík og lýsti því þá yfir að héruðin skyldu ávallt fylgjast að.
  • 1496 - Hinrik 7. Englandskonungur gaf út leyfi til handa John Cabot og sonum hans sem heimilaði þeim að leita ókunnra landa.
  • 1638 - Frakkland og Svíþjóð gerðu með sér Hamborgarsamninginn sem kvað á um greiðslu til Svía fyrir hernaðaraðgerðir gegn Habsborgurum.
  • 1663 - Reigen tók við keisaratign í Japan af Go-Sai.
  • 1691 - Níu ára stríðið: Franskur her settist um spænska bæinn Mons.
  • 1770 - Fjöldamorðin í Boston: Fimm menn voru drepnir af breskum hersveitum. Þessi atburður varð einn af kveikjunum að bandarísku byltingunni fimm árum síðar.
  • 1865 - Kirkjan á Möðruvöllum í Hörgárdal brann. Arngrímur Gíslason listmálari málaði mynd af þessum atburði og telst hún vera fyrsta íslenska atburðamyndin.
  • 1912 - Fiskverkunarkonur í Hafnarfirði gerðu verkfall sem stóð í einhverjar vikur. Var það í annað skiptið sem konur fóru í verkfall á Íslandi en það fyrsta var árið 1907 þegar sömu konur fóru í dagsverkfall.
  • 1932 - Sparisjóður Reykjavíkur og nágrennis hóf starfsemi sína.
  • 1933 - Nasistaflokkurinn í Þýskalandi fékk 44% greiddra atkvæða í þingkosningum.
  • 1938 - Aftaka norðanveður gerði og fuku bæjarhús í Húsavík í Norður-Múlasýslu af grunninum og höfnuðu niðri í fjöru. Fólk var í húsunum og þótti með ólíkindum að menn skyldu komast af.
  • 1940 - Katyn-fjöldamorðin voru framin í Katyn-skógi, skammt frá Smolensk.
  • 1946 - Winston Churchill hélt fræga ræðu þar sem hann nefndi Járntjaldið í fyrsta skipti.
  • 1970 - Ísland gerðist aðili að Fríverslunarsamtökum Evrópu, EFTA.
  • 1970 - Samningur um að dreifa ekki kjarnavopnum tók gildi eftir að 56 lönd höfðu undirritað hann.
  • 1971 - Alþýðubankinn hóf starfsemi sína. Hann varð síðar hluti af Íslandsbanka.
  • 1975 - Homebrew Computer Club hélt sinn fyrsta fund í Menlo Park, Kaliforníu. Einn viðstaddra var Steve Wozniak.
  • 1977 - Tom Pryce, velskur ökuþór, lét lífið í Formúlu 1-kappakstri í Suður Afríku. Hann lést samstundis þegar hann fékk slökkvitæki í höfuðið þegar hann var á u.þ.b. 250 km/klst. Brautarvörður hélt á slökkvitækninu þegar hann var að ganga yfir keppnisbrautina en varð fyrir bíl Pryce.
  • 1983 - Bob Hawke var kjörinn forsætisráðherra Ástralíu.
  • 1984 - Íran sakaði Írak um beitingu efnavopna.
  • 1993 - Bylgjan og Stöð 2 söfnuðu um 55 milljónum króna í landssöfnun til styrktar krabbameinssjúkum börnum.
  • 1993 - Palair flug 305 til Zürich hrapaði skömmu eftir flugtak í Skopje með þeim afleiðingum að 83 af 97 farþegum fórust.
  • 1998 - NASA tilkynnti að könnunarfarið Clementine hefði fundið nægilegt vatn í gígum á Tunglinu til að hægt væri að koma þar upp nýlendu. Þessar niðurstöður voru síðar dregnar í efa.
  • 2001 - Talíbanastjórnin í Afganistan lét sprengja merk Búddalíkneskin í Bamyan í tætlur vegna þess að þau væru óguðleg. Þessum verknaði var mótmælt um víða veröld.
  • 2009 - Dow Jones-vísitalan féll undir 7000 stig í fyrsta sinn frá 1997.
  • 2014 - Venesúela sleit öll stjórnmálatengsl við Panama og sakaði stjórn Panama um samsæri gegn venesúelskum stjórnvöldum.
  • 2015 - Liðsmenn Íslamska ríkisins hófu að eyðileggja hinar fornu borgir Nimrud, Hatra og Dur-Sharrukin í Írak.
  • 2022 - Flakið af könnunarskipinu Endurance sem sökk árið 1915 fannst við Suðurskautslandið.

Fædd

Dáin